Объявление

Объявление

Жер қойнауын пайдалану мәселелері бойынша өтініш беру тәртібі туралы
Опубликовано
Дата публикации: 23.10.2026 12:27
Құрметті жер қойнауын пайдаланушылар!
Қазақстан Республикасы Өнеркәсіп және құрылыс министрлігі жер қойнауын пайдалану саласындағы өтініштерді беру тәртібі туралы хабарлайды.
«Жер қойнауы және жер қойнауын пайдалану туралы» Қазақстан Республикасы Кодексінің 68-1-бабына сәйкес Жер қойнауын пайдаланудың бірыңғай платформасы мемлекеттік қызметтер көрсетуге және жер қойнауын пайдалану саласындағы қатысушылардың өзара іс-қимылын қамтамасыз етуге арналған.
Сонымен қатар, Қазақстан Республикасы Инвестициялар және даму министрінің 2018 жылғы 24 мамырдағы № 384 «Лицензияны және (немесе) лицензияға қосымшаны алуға және қайта ресімдеуге арналған өтініштердің нысандарын, лицензиялардың және (немесе) лицензияларға қосымшалардың нысандарын бекіту туралы» бұйрығына сәйкес лицензияны қайта ресімдеуге арналған өтініш электрондық нысанда беріледі.
Осыған байланысты барлау лицензиясын қайта ресімдеуге (жер қойнауын пайдаланушы туралы мәліметтер өзгерген, жер қойнауын пайдалану құқығы және (немесе) жер қойнауын пайдалану құқығындағы үлес ауысқан, лицензи мерзімі ұзартылған, жер қойнауы учаскесі аумағының шекаралары өзгерген жағдайларда), сондай-ақ жер қойнауы учаскесін түрлендіру және тау-кен массасын алуға рұқсат алу мәселелері бойынша өтініштерді Қазақстан Республикасының заңнамасында көзделген құжаттарды қоса бере отырып, Жер қойнауын пайдаланудың бірыңғай платформасы арқылы беру қажет.
Тиісті өтініштерді беру кезінде жоғарыда көрсетілген тәртіпті ескерулеріңізді сұраймыз.
Келушілер статистикасы: Күн бойынша: 3 | Айына: 2 616 | Барлығы: 52 613

©
5